“पहिल्या खेलो इंडीया ट्राईबल गेम्स-२०२५-२६” KITG 25-26

केंद्र शासनाच्या निर्देशानुसार, “पहिल्या खेलो इंडीया ट्राईबल गेम्स-२०२५-२६” चे आयोजन छत्तीसगढ राज्यात निश्चीत झाले आहे. सदर स्पर्धा ही खुल्या वयोगटांत होणार असून या स्पर्धेत फुटबॉल, हॉकी, आर्चरी, ॲथलेटिक्स, जलतरण, वेटलिफ्टींग, कुस्ती या ७ खेळप्रकारांचा समावेश करण्यात आला आहे. सदर स्पर्धेकरीता निवड चाचणी व स्पर्धेतून खेळाडू व संघाची निवड निवड करण्यात येणार आहे. अधिक माहितीसाठी हे परिपत्रक पहा. तसेच स्पर्धेतील क्रीडा बाबी व तपशीलासाठी येथे क्लिक करा.

जिल्हास्तर युवा महोत्सव 2025-26 मध्ये सहभागी होण्याचे आवाहन

युवकांचा सर्वागिण विकास करणे, संस्कृती व परंपरा जतन करणे, युवकांच्या अंगी असलेल्या सुप्त गुणांना वाव देणे व राष्ट्रीय एकात्मता वाढिस लागणे यासाठी प्रतिवर्षी राष्ट्रीय युवा महोत्सवाचे युवा कार्यक्रम व खेळ मंत्रालय भारत सरकार आयोजन करते. राज्यात सन २०२५-२६ या वर्षातील राष्ट्रीय युवा महोत्सव विकसित भारत चॅलेंज ट्रॅक चे आयोजन दि.१० ते १२ जानेवारी २०२६ या कालावधीत करण्यात येणार आहे. युवा कार्यक्रम व खेळ मंत्रालय भारत सरकार यांचे दि.२७.८.२०२५ चे पत्रान्वये राष्ट्रीय युवा महोत्सवाचे रुपांतर VBYLD मध्ये करण्यात आले असून तो विकसित भारत २०४७ या दृष्टीकोनाशी जोडण्यात आला आहे. या पार्श्वभूमीवर NYF-VBYLD-२०२६ चे आयोजन युवा कार्यक्रम व खेळमंत्रालयाकडून केले जाणार आहे, ज्यामध्ये १५ ते २९ वयोगटातील युवकांचा सहभाग अपेक्षित आहे. जिल्हास्तर युवा महोत्सवाचे आयोजन दि. २८ ऑक्टोबर, २०२५ रोजी आदर्श विद्यानिकेतन, पेठवडगाव, ता. हातकणंगले येथे होणार आहे. यामध्ये खालील प्रकारांचा समावेश करण्यात आला आहे. 🎯 स्पर्धांचे प्रकार (Cultural & Innovation Track) १. वक्तृत्व २. कथालेखन ३. चित्रकला ४. लोकनृत्य (गट) ५. लोकगीत (गट) ६. कवितालेखन ७. नवोपक्रम नवोपक्रम (विज्ञानप्रदर्शन) • विज्ञान व तंत्रज्ञान विषयक अभिनव कल्पना सादर कराव्यात. • सदर स्पर्धा सांघिक प्रकारात होणार असून संघात जास्तीत जास्त ५ सदस्य असतील. • विज्ञान तंत्रज्ञान प्रदर्शनासाठी आवश्यक असणा-या सुविधा (विद्युत जोडणी, अतिरिक्त टेबल्स इ.) स्पर्धकांनी दि. २३ ऑक्टोबर, २०२५ पर्यंत dsokop@gmail.com या मेलवर कळवावी. • हॅकॅथॉन - १. प्लॅस्टिकमुक्ती २. डिजीटल प्रशासनातील समस्या या संकल्पनांवर आधारित हॅकॅथॉनचे आयोजन करण्यात येईल. सहभागी होण्यासाठी गुगल फॉर्म भरणे आवश्यक असून नोंदणीसाठी येथे क्लिक करा.

राष्ट्रीय शालेय लॉन टेनिस स्पर्धा २२-२३

खेलो –इंडिया युथ गेम्स २०२२

खेलो –इंडिया युथ गेम्स २०२२ सुचना १) केंद्र शासनाच्या वतीने दि ५ ते १४ फेब्रूवारी २०२२ या कालावधीमध्ये ४ थ्या खेलो –इंडिया युथ गेम्स २०२२ चे आयोजन हरियाणा येथे करण्याचे निश्चित करण्यात आलेले आहे. १८ वर्षा आतील मुले व मुली या वयोगटामध्ये एकूण २५ क्रीडा प्रकारांच्या स्पर्धा यामध्ये होणार आहेत. या पैकी सद्या सांघिक क्रीडा प्रकारातील खो-खो, कबड्डी, (१८ वर्षे मुले आणि मुले) व बास्केटबॉल (१८ वर्षे मुली) या खेळासाठी निवड चाचणी/ स्पर्धा घेण्यात येणार आहेत. २) दिनांक २०/११/२०२१ - कबड्डी १८ वर्षे मुले –राऊज अकेडमी, गोकुळ शिरगाव, कोल्हपूर दिनांक २१/११/२०२१ - कबड्डी १८ वर्षे मुली –राऊज अकेडमी, गोकुळ शिरगाव, कोल्हपूर ३) दिनांक २०/११/२०२१ – खो-खो १८ वर्षे मुले –बालभारत क्रीडा मंडळ,सुतार मळा, इचलकरंजी दिनांक २१/११/२०२१ – खो-खो १८ वर्षे मुली –बालभारत क्रीडा मंडळ,सुतार मळा, इचलकरंजी ४) दिनांक २०/११/२०२१ – बास्केटबॉल १८ वर्षे मुली –शहाजी लॉ कॉलेज कोल्हापूर . ५) या स्पर्धेसाठी शाळा/ कॉलेज किंवा क्लब यांचे संघ सहभागी होवू शकतील .आपल्या शाळा, कॉलेज किंवा कल्बच्या लेटर हेडवर आपली प्रवेशिका दि १९/११/२०२१ सायं ०३:०० पर्यंत dsokop@gmail.com वर ईमेल द्वारे पाठविण्यात यावी. प्रवेशिकेचा नमुना सोबत दिलेला आहे. ६) जे खेळाडू शाळाबाह्य आहेत किंवा संघामधून स्पर्धेसाठी सहभागी होवू शकणार नाहीत अशा खेळाडूंना निवडचाचणीची संधी देण्यात येणार आहे. त्यांनीही ठिकाणी आधारकार्ड , माध्यमिक शालांत प्रमाणपत्र (१० वी बोर्ड सर्टीफिकेट) ,जन्मप्रमाणपत्र या पैकी किमान दोन मुळ कागदपत्रे व झेरॉक्स प्रत घेवून उपस्थित रहावे कागदपत्रे घेवून उपस्थित रहावे. ७) या स्पर्धेसाठी दि १ जाने २००३ अथवा त्यानंतर जन्म दिनांक असणारेच खेळाडू सहभागी होवू शकतील. वयोगटामध्ये बसू शकणा-या खेळाडूंनी स्पर्धेच्या ठिकाणी आधारकार्ड , माध्यमिक शालांत प्रमाणपत्र (१० वी बोर्ड सर्टीफिकेट) ,जन्मप्रमाणपत्र या पैकी किमान दोन मुळ कागदपत्रे व झेरॉक्स प्रत घेवून उपस्थित रहावे . ८) कबड्डी स्पर्धेसाठी / निवडचाचणीसाठी येणा-या खेळाडूंनी मॅट शुज घेवून उपस्थित रहावे. ९) स्पर्धेचे आयोजन त्या-त्या खेळाच्या संघटनेच्या नियमानुसार होतील. १०) सहभागी खेळाडूंना कोणत्याही प्रकारचे सहभाग अथवा प्राविण्य प्रमाणपत्र दिले जाणार नाही. ११) खो-खो व कबड्डी या खेळाच्या जिल्हा- विभाग- राज्य स्पर्धा होतील विजयी संघ संपूर्ण पुढील स्पर्धेस पात्र ठरेल व हारलेल्या संघातील खेळाडू व निवड चाचणीसाठी आलेले खेळाडु यामधून ५ खेळाडूंची विभागस्तरीय निवड चाचणीसाठी निवड केली जाईल. १२) बास्केट बॉल १८ मुली (मुलांच्या स्पर्धा नाहीत) या खेळासाठी जिल्हा- राज्य अशा स्पर्धा होतील विभागस्तर स्पर्धा व विभागस्तर निवडचाचणी होणार नाही . जिल्हास्तरीय स्पर्धेतील विजयी संघ राज्यस्पर्धेसाठी पात्र ठरेल व हारलेल्या संघातील व निवड चाचणीसाठी आलेल्या खेळाडूं मधून ५ खेळाडू या स्पर्धेसाठी पात्र ठरतील.

आर्मी स्पोर्ट्स इन्सटीट्युट – बॉईज स्पोर्ट्स कंपनी यांचे करिता क्रीडा नैपुण्य चाचण्यांचे आयोजन करणे बाबत

सुचना पत्र. विषय :- आर्मी स्पोर्ट्स इन्सटीट्युट – बॉईज स्पोर्ट्स कंपनी यांचे करिता क्रीडा नैपुण्य चाचण्यांचे आयोजन करणे बाबत . संदर्भ :- क्रीडा व युवक सेवा संचालनालयाचे दि २३ सप्टे २०२१ रोजीचे पत्र सुचना :- १. दि ०४/१०/२०२१ रोजी उपस्थितीसाठी येताना आधारकार्ड झेरॉक्स , व फॉर्म –अ घेवून दिलेल्या वेळेत उपस्थित रहावे . २. फॉर्म –अ वर खेळाडू कोणत्या खेळासाठी क्रीडा नैपून्य चाचणी देणार आहे हे स्पष्ट नमुद करावे. ३. प्रत्येक खेळ प्रकारासाठी चाचणी प्रकार हे वेगळे आहेत त्या चाचणी प्रकारांचे इंटरनेट वरून माहिती घेवून सराव करावा. ४. दि ०४/१०/२०२१ रोजी फक्त रिपोर्टींग होणार आहे. त्या नंतर दिलेल्या दिनांका नुसार खेळ निहाय चाचण्या घेण्यात येणार आहेत. तथापि काही कारणास्तव वेळापत्रकामध्ये अथवा चाचणी प्रकाराच्या दिनांकात तांत्रिक अडचणीस्तव बदल केला जाऊ शकतो . उदा :- Canadian Beep Test ह्या प्रकाराची चाचणी काही कारणास्तव दिनांक व वेळ बदल होवू शकतो. उपस्थितीच्या दिवशी या बाबत सविस्तर माहिती कळविण्यात येईल. ५. ऑक्टोंबर हिट मुळे उष्मांकाचे प्रमाण वाढू शकते यामुळे खेळाडु सोबत पिण्याचे पाणी, अल्पोपहार , जेवण इ ची काळजी घ्यावी. ६. चाचणी देण्यासाठी खेळाडूंच्या शारीरिक हलचाली व्यवस्थित होवू शकतील असा पोषाख खेळाडूचा असावा. ७. खेळाडूना येण्या-जाण्या बाबतची सोय स्वत: करावी लागेल. ८. कोविड -१९ च्या बाबतच्या सर्व आवश्यक बाबी खेळाडूंनी पाळणे आवश्यक आहेत. ९. क्रीडांगणावर स्वच्छता राखणे आवश्यक आहे. तसेच कोणत्याही पालकांनी आयोजकांसोबत विनाकारण वाद- विवाद करू नये. १०. जिल्हास्तर निवड चाचणीमधून आवश्यक गुण संपादित करणारे विद्यार्थी विभागस्तरी स्पर्धेत पात्र ठरतील . ११. खेळ प्रकारानुसार वयोगट हे देखील बदल आहेत . या चाचण्यासाठी ८ वर्षे वयोगटापासून ते १४ वर्षे वयोगटासाठी या चाचण्या असून दि ०१/०१/२०२२ रोजीचे खेळाडूंचे वय ८ ते १४ वर्षे असणे आवश्यक आहे (१/०१/२०१४ ते ०१/०१/२००८ ह्या व या दरम्यानच्या जन्मदिनांक असणारे खेळाडू या चाचण्यामध्ये सहभागी होवू शकतील.) १२. गुणांकानानुसार पात्र ठरलेल्या विद्यार्थ्यांची यादी dsokop.blogspot.com या ब्लॉग स्थळावर प्रकाशित करण्यात येईल. १३. क्रीडा व युवक सेवा संचालनालयाकडून वेळोवेळी येणा-या सुचना यानुसार या चाचण्याच्या आयोजनामध्ये बदल करण्याचे अधिकार जिल्हा क्रीडा धिकारी यांचे कडे राहतील .  

District Level Youth Festival 2020-21

Youth Festival 2020-21 whats up on 9673451115

सन २०१८-१९ मध्ये शालेय राष्ट्रीय स्पर्धेत प्राविण्यप्राप्त खेळांडूसाठी शिबीर

सन २०१८-१९ मध्ये शालेय राष्ट्रीय स्पर्धेत प्राविण्यप्राप्त  खेळांडूसाठी शिबीर 

वरील फॉर्म केवळ सन २०१८-१९ मध्ये शालेय  राष्ट्रीय स्पर्धेत प्राविण्यप्राप्त विद्यार्थ्यांकरीता आहे.